Home » All posts
Wednesday, January 9, 2013
Dewi malam
Terima kasih,..
Telah sibakan cadar kelam
Demi sepenggal wajah,...
Sijelita dewi malam
Hingga puas kunikmati indahnya.
Juga untuk kisah,..
Si bodoh yang pemimpi
Yang meniti langit
Petik puspa indah taman kayangan
Seperti dalam dongengmu
Di gerbang lelapku
Dan baru saja Aku terjaga
Ternyata kau telah menjadikanku,...
Si bodoh yang beruntung
Tuesday, January 8, 2013
Anjeun jeung waktu
Palangsiang waktu geus mimiti mintul
Naha teu sanggup mupus kalangkang anjeun
Peuting tadi ngajanggélék deui
Minuhan rohangan pangimpian
Ngagelenyu mintonkn imut, asa kunyari liwat tisasari
Imut anu kungsi ngapungkeun angen - angen
Ngumbul ngajaul ka alak paul
Ngalanglang patamanan kahiyangan
pirajeunan, naruk pucuk tangkal kasatiaan
Ditiruk, paké nyiuk cai kahuripan
Pikeun nyimbeuh kadeudeuh maneuh
Hanjakal teulana,...
Langit kulawu, Kalimpudan méga hideung
Kahéman ngan kari ngaran
Tangkal kasatiaan,...
Anu ngarandaka, mapaésan palataran rasa
Dadaksakala ngarangrangan
Nungtutan peunggas marékplékan
Kiwari anu dumuk saukur tunggul
Pamohalan bakal sirungan.
Monday, January 7, 2013
Kembang kamelang
Kamari soré, di pasampangan
Basa dampal leungen urang pataréma
Sajorélat, ngolépat dina implengan
Carita lawas mawa waas
Ngageuing asih anu bihari
Ngahudang nyaah anu baheula
Anu kungsi numpi jeroning ati,
Dipindingan ku pasini
Mepet sila jeroeun dada,
Disimbutan kusubaya
Hanjakal kiwari geus lain bihari
Hanjakal ayeuna geus lain baheula
kiwari asih kasampih ku wanci
Ayeuna nyaah kapungkas ku mangsa
Dalingding seungit malati
Lengit dipaling hiliwir angin
Ligar hégar campaka
Ilang diiwat hawa katiga
Kembang kamelang
Maluguran niban lemah
Marengan nyaah
Anu udar lain wayah
Thursday, January 3, 2013
Dina congo peuting
Nyulusup tina sela jandéla
Diaping jempling,
Anu ngagawing dina congo peuting
Ngajadi saksi bedahna cimata
Anu juuh,,maseuhan amparan karumasa
Rumasa lampah katalikung amarah
Kalangsu dina gedurna nafsu
Anteng katalimbeng
Ngangkleung di tengah - tengah sagara nirca
Teusadar di dunja ukur sajorélatan
Mangsana tepi kana pinasti
Hirup kapungkas ku pati
Najan nyaah, najan betah
Wayahna kudu mulang,
Pamohalan bisa mungpang
Cag banda, cag baraya
Cul dulur, cul batur
Hamo aya anu bakal di bawa
Saukur ngajurung tepi ka lawang kubur
Anging lampah hadé jeung goréng
Anu bakal ngabuah bagja atawa bahla
Garut Pangirutan
Kuring ka irut,.....
Lain pédah cenah éndah pangirutan
Tapi keur kuringmah, sarakan pangbalikan
Tapak lacak léngkah munggaran
Najan léngkah kahirupan,
Mawa waruga, tepi ka tungtung dunja
Tetep baris jadi jugjugan
Jadi tempat reureuh mangsana leuseuh
Saenggeus weureu seubeuh,
Neureuy peuheur buahna hirup
Cikuray anu ngagupay,
Papandayan ngagentraan
Sampireun pikeun sampeureun,
Di Bagendit fikir ngait
Cangkuang pangeunteupan rasa kamelang
Batin liwung,..
Midangdung gumebyar hurung layung
Anu mayungan punclut gunung Guntur
Wanci soré, lamun pareng hadé poé
Puisi Kasih Putih
Tidak mungkin lagi dinikmati
Sisa - sisa kekhusuan,
Masih berserakan, belum sempat di bereskan
Bekas ibu,..dalam sholatnya semalam
penggalan do'anya masih ada yang tertinggal
Begitu sejuk, bersujud di ujung daun
Begitu bening terpercik di kening bumi
Sepasang tangan renta sodorkan cawan
Berisi kebahagiaan yang baru saja dihangatkan
Terdengar lembut tuturnya setengah membujuk
Teguklah,....habiskan jangan tersisa
Sebentar lagi kau harus kembali pergi
Pergilah,...melangkah searah kodrat
Dan sebelum gelap nanti,
Pulanglah sebagai laki - laki
Biar ditanganmu tak tergenggam bintang
Biarkan saja kelipnya menjadi kekasih langit
Dan bergabunglah bersamaku
Untuk melebur dalam Syukur
Monday, December 31, 2012
2013
Taun anyar, sakeudeung deui baris disorang
Sagala rasa, kuciwa jeng katugenah
Anu pernah aya,..
Dina sela rasa sugema jeung kabungah
Gera teundeun dina katineung
Geus tepi kana wanci
Pikeun mapag harepan anyar
Dina lambaran kahirupan anyar
Subscribe to:
Posts (Atom)